Xalq deputatlari Kogon tuman Kengashining navbatdagi yettinchi chaqiriq 16-sessiyasi bo'lib o'tdi
2026-01-13 15:30:00 / Yangiliklar
Kun tartibidagi dastlabki masala O‘zbekiston Respublikasi Prezidentining 2024-yil 25-noyabrdagi “Kambag‘allikdan farovonlik sari” dasturini amalga oshirishga faol nuroniylarni jalb etish chora-tadbirlari to‘g‘risidagi 405-sonli qarorning Kogon tumanidagi ijrosi to'g'risida tuman hokimining birinchi o'rinbosari M.Malikov hisoboti tinglandi.
Navbatdagi masala 2025-yil davomida “Ayollar daftari”ning 6-bosqichiga kiritilgan xotin-qizlarni moddiy va ijtimoiy jihatdan qo‘llab-quvvatlash borasida amalga oshirilgan ishlar to‘g‘risida tuman hokimining o‘rinbosari-oila va xotin-qizlar bo‘limi boshlig‘i L.Radjabova hisoboti tinglandi.
Shuningdek keyingi masala tumanda aholiga ko‘rsatib kelinayotgan ijtimoiy xizmatlar va yordamlar hamda aholining ijtimoiy himoyasini kuchaytirish borasida amalga oshirilayotgan ishlar yuzasidan Ijtimoiy himoya milliy agentligining Kogon tumani “Inson” ijtimoiy xizmatlar markazi direktori Z.Qobilov hisoboti tinglandi.
So'ngi masala 2025-yil davomida tumanda qonuniylikni mustahkamlash, fuqarolarning huquq va erkinliklarini muhofaza etish, jinoyatchilik hamda huquqbuzarliklarning oldini olish borasida amalga oshirilgan ishlar yuzasidan tuman prokurori S.Sharipov axboroti tinglandi.
Sessiya kun tartibidagi masalalar yuzasidan deputatlarning ham fikr-mulohazalari va takliflari eshitildi. Koʻrib chiqilgan masalalar yuzasidan xalq deputatlari tuman Kengashining tegishli qarorlari qabul qilindi.