Kogon shahar Adolat mahallasida istiqomat qilayotgan fuqaro Nuriddin Muzaffarov ijtimoiy himoya reestrida ro'yxatda turgan 4 nafar fuqarolarning bandligini ta'minlab, doimiy daromadli qilib kelmoqda.
2026-09-15 10:50:00 / Yangiliklar
Nuriddin Muzaffarov kichik qandolatchilik va nonvoychilik korxonasining ikkinchi filialini yo'lga qo'ydi. "Tandor non" mas'uliyati cheklangan jamiyati korxonasi tashkil qilib, Adolat mahalla fuqarolar yig'ini hududida bo'sh turgan 40 metr kavadrat yer maydonini k-savdo orqali yutib olib yengil konstruksiyadan bino qurdi. Ushbu loyihani tashkil etish maqsadida 312-sonli qaror asosida Biznesni rivojlantirish tijorat bankidan 2 yillik muddatda 22 foizdan 200 mln so‘m miqdorida imtiyozli kredit oldi. Qisqa muddat ichida tadbirkor qurilish ishlarini yakunlab, imtiyozli kredit mablagʻlari evaziga zamonaviy pechlar, xamir qorish uskunalari, sovutgich va boshqa zarur jihozlarni xarid qilib, milliy shirinliklar va qandolatchilik faoliyatini yo'lga qo'ydi.
Hozirgi kunda tadbirkor Nuriddin Muzaffarov tomonidan aholiga turli xil shirinliklar, pishiriqlar, tortlar hamda qandolat mahsulotlarini tayyorlab, mahalliy bozorda va buyurtmalar asosida xizmat koʻrsatib kelmoqda. Eng quvonarlisi Adolat mahalla fuqoralar yig'ini ijtimoiy reestr ro'yxatida turgan 4 nafar fuqaroning doimiy bandligini ta'minlab daromadli qildi.
Nuriddin Muzaffarov kelgusida ishlab chiqarish hajmini yanada oshirish, mahsulot turlarini koʻpaytirish va yangi ish oʻrinlari yaratishni maqsad qilgan.
Kogon shahar hokimligi matbuot xizmati