Nuriddin Muzaffarov mahalladagi 20 nafar ishsiz fuqarolarning bandligini ta’minlab doimiy daromadli qilib kelmoqda.
2026-07-27 16:55:00 / Yangiliklar
Shuningdek, tadbirkor bir kunda 1000 ta non tayyorlab bozorga chiqaradi. Kichik qandolatchilik va nonvoychilik faoliyatini yo‘lga qo‘yib bir oyda o ‘rtacha 100 million so‘m daromad topmoqda.
Tadbirkor tomonidan milliy qadriyatlarimizning ajralmas qismi boʻlgan "Ustoz–shogird" anʼanasi asosida 3 nafar yoshni nonvoychilik va qandolatchilik kasbiga oʻrgatib, ularga amaliy bilim va koʻnikmalar berib kelmoqda. Natijada yoshlarning kelgusida mustaqil mehnat faoliyati bilan shugʻullanishi va barqaror daromad topishiga munosib hissa qoʻshmoqda.
Tadbirkorga Adolat mahallasida faoliyat yurituvchi hokim yordamchisi Mirshod Dilmurodov tomonidan dasturlar doirasida Biznesni rivojlantirish tijorat bankidan 3 yillik 21 foizdan 200 mln so‘m miqdorida imtiyozli kredit ajratilgan.
Imtiyozli kredit mablagʻlari evaziga zamonaviy pechlar, xamir qorish uskunalari, sovutgich va boshqa zarur jihozlarni xarid qilib, ishlab chiqarish quvvati kengaytirildi.
Buning natijasida ishlab chiqarish hajmi ikki karraga oshdi. Bundan tashqari K-Savdo orqali ish joyi kengaytirilishi natijasida mahsulotlar xilma-xilligi kengaydi, xizmatlar sifati yanada yaxshilandi hamda qo‘shimcha ish oʻrinlarini yaratish imkoniyati yuzaga keldi.
Bugungi kunda tadbirkor oʻz faoliyatini izchil rivojlantirib, Adolat mahallasi iqtisodiyotini rivojlantirish, aholi bandligini ta‘minlash hamda yoshlarni kasb-hunarga oʻrgatish orqali ularning bandligini oshirishga munosib hissa qoʻshib kelmoqda.
Kogon shahar hokimligi matbuot xizmati