Buxoro viloyati Kogon shahar hokimligi

Aziza Abdurahimova mahalla xotin-qizlar faoli tomonidan “ayollar daftari”ning 2-toifasiga ro‘yhatga olibnib tadbirkorlikning go‘zallik saloni faoliyati yo‘nalishida o‘qitib, maxsus sertifikat olishda amaliy yordam ko‘rsatildi.

Mahalla binosining ro‘pparasidagi 50 metr kvadrat bo‘sh turgan yer maydoni elektron auksion savdoga qo‘yilib, Shokir aka yutib olishga muvaffaq bo‘ldi. Chet elda ishlab jamg‘argan pullariga yengil konstruksiyadan Shokir aka o‘ziga go‘sht va mevalar do‘koni Aziza uchun go‘zallik saloni qurildi.

Faoliyatni boshlashda pul mablag‘i muammo bo‘lganligi sabab mahalladagi hokim yordamchisiga murojaat qilindi va hokim yordamchisining ijobiy xulosasi bilan ushbu oilaga Xalq banki tomonidan 50 million so‘m 17,5 foizdan 4 yillik muddatda imtiyozli kredit ajratildi. Ajratilgan mablag‘lar evaziga Shokir aka o‘zining go‘sht do‘koniga kerakli jihoz va mahsulotlar Aziza ham go‘zallik saloni faoliyati uchun maxsus anjomlarni sotib olib faoliyat to‘liq yo‘lga qo‘yildi. Hozirgi kecha-kunda er-xotin yonma-yon do‘konlarda mehnat qilib, oyida 12 million so‘m daromad topmoqda.

Tadbirkorlikni yangidan boshlayotgan fuqarolarga yaratilgan shart-sharoit va imkoniyatlar uchun davlatimiz rahbariga minnatdorchilik bildiraman. Kelgusida olingan imtiyozli kreditni qaytarib bo‘lgach yana 30 million so‘m imtiyozli kredit olib faoliyatimni kengaytirish shuningdek, mahalladagi 2-3 nafar ishsiz fuqarolarni ish bilan ta’minlash rejam bor deydi – Shokir Bobomurodov.

Fuqaroni o‘z yurtiga qaytarib, mahallada tadbirkorlik faoliyatini boshlagani Mirzo Ulug‘bek mahalla fuqarolar yig‘ini aholisi uchun juda ham ayni muddao bo‘ldi. Fuqarolarimiz sarson bo‘lib bozorga borib o‘tirishmaydi. Kundalik ehtiyoji uchun zarur bo‘lgan go‘sht va mevalarni Shokir akaning do‘konidan xarid qilishmoqda. Bu ham fuqarlarga qulay ham Shokir akaga daromad deydi – Mirzo Ulug‘bek mahalla fuqarolar yig‘ini raisi Rashid Tukliev.

Ma’lumot o‘rnida ushbu mahallada 4300 nafar aholi, 1160 ta xonadon mavjud. 2026-yilning 6 oyi davomida 4 nafar fuqaroga o‘z tadbirkorligini boshlash maqsadida 143 million so‘m imtiyozli kredit ajratilgan. Mahallaning 68 nafar fuqarolari tomonidan tadbirkorlik faoliyati olib borilmoqda.

Joriy yilda mahalla xotin-qizlar faoli tomonidan 120 nafar xotin-qizlar “ayollar daftari”ga kiritilgan bo‘lib, hozirgi kunda 87 nafar xotin-qizlarga turli xildagi yordam ko‘rsatilib daftardan chiqarilgan. Qolgan 33 nafar xotin-qizlarning muammolari qonun doirasida ijobiy hal qilinib yil yakuniga qadar daftardan to‘liq chiqariladi deydi – mahalla xotin-qizlar faoli Shaxnoza Xasanova.

Mahalla yettiligi bir tanu-bir jon bo‘lib mahallamizdagi barcha fuqarolarning farovon hayot kechirishi, mavjud muammolarini yechishda belni mahkam bog‘lab beminnat xizmat qilamiz deydi - Mirzo Ulug‘bek mahalla yettiligi.

Kogon shahar hokimligi matbuot xizmati