Navoiy viloyati Karmana tumani hokimligi

Karmana tumani hokimligida “Yoshlar kuni” munosabati bilan yoshlar bandligini ta’minlashga qaratilgan mehnat yarmarkasi tashkil etildi.Unda Karmana tumani hokimi Shohruh Boltayev, viloyat hokimi o‘rinbosari Jamshid Xodjayev, Navoiy viloyati soliq boshqarmasi boshlig‘i Sunnatulla Nazarov hamda tuman mutasaddilari ishtirok etdi. Yarmarkada tumanda faoliyat yuritayotgan davlat va xususiy sektorga mansub 50 dan ortiq korxona va tashkilot jami 250 ta bo‘sh ish o‘rni bilan qatnashdi.Tadbirda 200 nafar yosh ishtirok etib, ulardan 100 nafardan ortig‘ini ishga joylashtirish bo‘yicha ish beruvchilar bilan kelishuvlarga erishildi. Shuningdek, yoshlarga mavjud bo‘sh ish o‘rinlari bo‘yicha yo‘llanmalar berildi. ✅ Mazkur mehnat yarmarkasining asosiy maqsadi yoshlar bandligini ta’minlash, ularni munosib ish o‘rinlariga yo‘naltirish, kasb-hunar egallashlari va mehnat bozorida o‘z o‘rnini topishlariga ko‘maklashishdan iborat. 📌 Karmana tumanida yoshlarning bandligini ta’minlash, ularning tashabbuslarini qo‘llab-quvvatlash va ish bilan ta’minlash imkoniyatlarini kengaytirish borasidagi ishlar izchil davom ettirilmoqda.