“Ishonch” bolalar sogʻlomlashtirish oromgohining ochilish marosimi boʻlib oʻtdi
2026-06-06 23:05:00 / Yangiliklar
Oromgohda yozgi mavsum davomida dam oluvchi bolajonlar uchun yaratilgan sharoitlar bilan tanishildi. Tadbir davomida bolalar tomonidan tayyorlangan qiziqarli badiiy chiqishlar namoyish etilib, yigʻilganlarga koʻtarinki kayfiyat ulashildi.
Marosimda Sh.Boltayev soʻzga chiqib, bolajonlarni yozgi dam olish mavsumi boshlangani bilan tabrikladi. U oʻz nutqida yosh avlod mamlakatimizning ertangi kuni va kelajagi ekanligini taʼkidlab, ularning mazmunli hordiq chiqarishi, bilim va salohiyatini rivojlantirishi uchun barcha zarur sharoitlar yaratilayotganini qayd etdi.
Shuningdek, oromgohga zamonaviy kompyuter jamlanmasi, dam olish uchun kelgan bolajonlarga esa kitoblar toʻplami sovgʻa qilindi.
Tadbir yakunida oromgohda bolalarning xavfsizligi, salomatligi va mazmunli dam olishini taʼminlash masalalariga alohida eʼtibor qaratilishi, bu boradagi ishlar doimiy nazoratda boʻlishi taʼkidlandi.