Navoiy viloyati Karmana tumani hokimligi

     Bugun Karmana tumanida istiqomat qiluvchi ishsiz xotin-qizlar uchun  “BAXT TEKSTIL” korxonasiga ekskursiya tashkil etildi. Mazkur tashrifdan ko‘zlangan asosiy maqsad — xotin-qizlarni ishlab chiqarish jarayoni bilan yaqindan tanishtirish, ularning bandligini ta’minlash hamda yangi ish o‘rinlari haqida ma’lumot berishdan iborat.

     Ekskursiya davomida ishtirokchilar korxonadagi zamonaviy uskunalar, tikuv-trikotaj mahsulotlarini ishlab chiqarish bosqichlari hamda mehnat sharoitlari bilan tanishdilar. Shuningdek, korxona mutaxassislari tomonidan ishga qabul qilish tartibi, kasbga o‘qitish imkoniyatlari va yaratilgan imtiyozlar haqida batafsil tushuntirishlar berildi.