Jondor tumanida "Biz – giyohvandlikka qarshimiz!" mavzusida davra suhbati o‘tkazildi
2026-07-09 11:50:00 / Yangiliklar
Jondor tumanidagi 32-umumta’lim maktabida "Dolzarb 90 kun" dasturi doirasida "Biz – giyohvandlikka qarshimiz!" mavzusida davra suhbati tashkil etildi.
Tadbirda tuman hokimining o‘rinbosari N. Axmatov hamda o‘quvchi-yoshlar ishtirok etdi.
Davra suhbati davomida giyohvandlikning inson salomatligi, oila va jamiyat hayotiga salbiy ta’siri, yoshlarni turli zararli illatlardan asrash, sog‘lom turmush tarzini shakllantirish hamda huquqbuzarliklarning oldini olish masalalari yuzasidan atroflicha fikr almashildi.
Tadbir yakunida o‘quvchilarni bo‘sh vaqtini mazmunli tashkil etish, ularni sport, kitobxonlik va boshqa foydali mashg‘ulotlarga keng jalb etish bo‘yicha tavsiyalar berildi.