"Dolzarb 90 kun" doirasida "Kelajak" markazida mazmunli yozgi dam olish tashkil etilmoqda
2026-07-09 13:40:00 / Yangiliklar
Jondor tumanidagi "Kelajak" markazida "Dolzarb 90 kun" dasturi doirasida o‘quvchilarning yozgi ta’tilini mazmunli tashkil etishga alohida e’tibor qaratilmoqda.
Oromgoh hududdagi bolalar uchun nafaqat maroqli dam olish maskani, balki ularning bilim va ko‘nikmalarini rivojlantirish, iste’dodini namoyon etish hamda yangi do‘stlar orttirish imkonini berayotgan maskanga aylangan.
Dastur asosida har kuni o‘quvchilar ishtirokida madaniy-ma’rifiy tadbirlar, sport musobaqalari, intellektual o‘yinlar, kitobxonlik soatlari, mahorat darslari hamda turli yo‘nalishlardagi qiziqarli mashg‘ulotlar tashkil etilmoqda.
Mazkur tadbirlar yoshlarning bo‘sh vaqtini mazmunli o‘tkazish, sog‘lom turmush tarzini targ‘ib qilish, kitobxonlik madaniyatini yuksaltirish hamda ularning intellektual va ijodiy salohiyatini rivojlantirishga xizmat qilmoqda.