Jondor tumanidagi barcha umumta’lim maktablarida “Yuksak ma’rifatli avlod-Uchinchi Renessans poydevori!” shiori ostida “So‘nggi qo‘ng‘iroq” tadbirlari bo‘lib o‘tdi.
2026-05-25 14:05:00 / Yangiliklar
Tadbirlarda tuman hokimi Jamshid Xudoyev, barcha hokim o`rinbosarlari, sektorlar, korxona va tashkilot rahbarlari, ziyolilar, yozuvchi va shoirlar hamda jamoatchilik vakillari ishtirok etdilar.
“So‘nggi qo‘ng‘iroq” tadbirlarida O‘zbekiston Respublikasi Prezidenti Sh.M.Mirziyoyevning mamlakatimiz maktablarining bitiruvchilariga tabrigi tantanali o‘qib eshittirildi.
Ushbu quvonchli va hayajonli kunda tumanimizdagi 50 ta maktablarda 2 ming 94 nafar 11-sinf bitiruvchilari qadrdon maktablari, mehribon ustozlari bilan xayrlashdilar.
Mustaqil hayot sari qadam tashlayotgan ushbu yigit-qizlarning 39 nafari o‘qishni oltin, 15 nafari kumush medal bilan yakunlayotgani esa juda quvonarlidir.
Vatanimiz va xalqimizga munosib farzand bo‘lishdek olijanob maqsadlar sari chog‘lanib turgan barcha bitiruvchilarga oq yo‘l tilaymiz!