Jizzax shahrida 2500 o‘rinli o‘quv binosi foydalanishga topshirildi
2025-09-29 19:00:00 / Yangiliklar
🏢 Abdulla Qodiriy nomidagi Jizzax davlat pedagogika universiteti talabalari uchun quvonchli yangilik! Endilikda universitetda filologiya fanlari uchun mo‘ljallangan 2500 o‘rinli yangi o‘quv binosi o‘z eshiklarini ochdi.
📍 Ochilish marosimida Jizzax viloyati hokimi o‘rinbosari Zafar Azimov, universitet ma’muriyati, jamoatchilik faollari va talabalar ishtirok etishdi.
💡 Yangi bino zamonaviy jihozlar bilan ta’minlangan bo‘lib, talabalarga nafaqat sifatli ta’lim olish, balki mustaqil izlanishlar olib borish, ijod qilish va innovatsion g‘oyalarni hayotga tatbiq etish imkonini beradi.
🌱 Ushbu ulkan o‘zgarish yoshlarning kelgusidagi yutuqlari, ilm-fan va innovatsiyalar sohasidagi muvaffaqiyatlari orqali nafaqat universitet, balki butun mamlakat taraqqiyotiga xizmat qilishi shubhasiz.