Mahallalarda xavfsiz muhitni yaratish va barqarorlikni ta’minlash masalalari muhokama qilindi
2026-02-03 18:30:00 / Yangiliklar
Uchrashuvda Jizzax viloyati Ichki ishlar boshqarmasi boshlig‘i, general-mayor G‘ayrat Qodirov, Jizzax shahar hokimi Komil Xolmurodov, shuningdek, shahardagi mahalla yettiligi a’zolari, profilaktika inspektorlari hamda jamoatchilik vakillari ishtirok etdi.
Tadbir davomida O‘zbekiston Respublikasi Prezidentining 2026-yil 5-yanvardagi PQ–1-sonli qarorining mazmun-mohiyati atroflicha tushuntirilib, mazkur hujjatda belgilangan vazifalarning ijrosi yuzasidan mas’ullarning aniq majburiyatlari belgilab olindi.
Xususan, kriminogen vaziyati og‘ir bo‘lgan mahallalar, shuningdek, so‘nggi besh yil davomida “qizil” toifadagi mahallalarda jinoyatchilikni keskin kamaytirish, profilaktik ishlarni kuchaytirish, aholi bilan manzilli ishlash va ijtimoiy muammolarni o‘z vaqtida bartaraf etish masalalariga alohida e’tibor qaratildi.
Tadbir yakunida belgilangan vazifalar ijrosini ta’minlash yuzasidan mas’ullarga tegishli topshiriqlar berilib, jarayon ustidan doimiy nazorat o‘rnatilishi ta’kidlandi.