Jizzax viloyati Jizzax shahar hokimligi

Yoshlar bilan bo‘lib o‘tgan uchrashuvda sportni rivojlantirish, sog‘lom turmush tarzini qaror toptirish hamda yosh avlodni jismonan va ma’nan yetuk etib tarbiyalash masalalariga alohida e’tibor qaratildi. Hokim sportchilarning mashg‘ulot sharoitlari, erishayotgan yutuqlari va kelgusidagi rejalari bilan qiziqib, ularning taklif va tashabbuslarini tingladi.

Uchrashuv davomida ta’kidlanganidek, bugungi kunda davlatimiz tomonidan sport sohasiga, xususan, maktab sportini rivojlantirishga keng imkoniyatlar yaratilmoqda. Aralash jang san’atlari bilan shug‘ullanayotgan yoshlar nafaqat sportda, balki intizom, iroda va vatanparvarlik ruhida tarbiyalanishda ham o‘rnak bo‘layotgani qayd etildi.

Shuningdek, iqtidorli sportchilarni qo‘llab-quvvatlash, musobaqalarda munosib ishtirok etishi uchun zarur sharoitlarni yaxshilash, sport infratuzilmasini rivojlantirish masalalari yuzasidan mas’ullarga tegishli topshiriqlar berildi.