Jizzax viloyati Jizzax shahar hokimligi

Jumladan, xotin-qizlarning:
•  ta’lim olishi uchun keng imkoniyatlar yaratish,
•  kasb-hunarga o‘qitish va bandligini ta’minlash,
•  tadbirkorlik faoliyatini qo‘llab-quvvatlash,
•  ijtimoiy himoyaga muhtoj ayollar bilan manzilli ishlash
masalalariga alohida e’tibor qaratildi.
Prezident mahallalar darajasida xotin-qizlar muammolarini aniqlash va hal etish, oilada sog‘lom muhitni mustahkamlash, xotin-qizlarni tazyiq va zo‘ravonlikdan himoya qilish bo‘yicha amaliy ishlar davom ettirilishini qayd etdi. 2026-yil “Mahallani rivojlantirish va jamiyatni yuksaltirish yili” da uy - joy sotib olishda boshlang‘ich to‘lov va foiz to‘lovlarining bir qismini qoplash uchun subsidiyalar berilishi,yangi yilda tadbirkorlar tomonidan  yangi servis ob’ektlarini ishga tushirilishi, texnikumlarga zamonaviy qiyofa va yangicha muhit olib kirish bo‘yicha besh yillik dasturlarning tasdiqlanishi, 2026-yildan boshlab texnikumlarda “dual ta’lim” asosida ta’lim olayotgan 100 ming o‘quvchiga ilk bor stipendiyalar to‘lanishi, “A’lo” baholarga o‘qiyotgan, tanlagan kasbini puxta  egallayotgan o‘quvchilarga esa oshirilgan miqdordagi stipendiyalar berilishi, tibbiyot tizimida ham kasbiy ta’limni rivojlantirish uchun  har bir hududdagi bittadan texnikumda xalqaro standart asosida  hamshiralar tayyorlash boshlanishi, ana shu texnikumlarga Germaniya,  Shveysariya, AQSh, Yaponiya kabi davlatlarning ta’lim dasturlari  joriy etilishi va shu asosda xalqaro talablarga javob beradigan, xorijiy tillarni  biladigan hamshiralar tarkibi shakllantirilishi – bularning barchasi yurtimiz xotin-qizlariga berilayotgan imkoniyatlar va g‘amxo‘rlikning  yorqin namunasidir. Murojaatnomada belgilangan vazifalar xotin-qizlarning salohiyatini to‘liq ro‘yobga chiqarish, oila farovonligini oshirish va jamiyat taraqqiyotiga xizmat qiladi.

Jizzax shahar hokimi  o‘rinbosari,
Oila va xotin-qizlar bo‘limi boshlig‘i 
Negmatova Xalima Utabovna