Bugun Jizzax shahrida Sardorlar saylovi bo‘lib o‘tdi
2025-12-24 13:55:00 / Yangiliklar
Bugun Jizzax shahrida bolalar tashkiloti doirasida muhim tadbir — Sardorlar saylovi tashkil etildi. Tadbir davomida yoshlar o‘z yetakchilik salohiyati, tashabbus va g‘oyalarini namoyon etdilar.
Saylov jarayonida Jizzax shahar hokimi Komil Xolmurodov ishtirok etib, bolalar va yoshlar bilan ochiq muloqot o‘tkazdi. Samimiy va ochiq ruhda bo‘lib o‘tgan muloqotda yoshlar o‘zlarini qiziqtirgan savollarga javob oldi, taklif va tashabbuslarini erkin bildirish imkoniga ega bo‘ldilar.
Ochiqlik va shaffoflik tamoyillari asosida o‘tkazilgan saylov jarayoni yoshlar o‘rtasida yetakchilik, mas’uliyat va ijtimoiy faollikni yana-da mustahkamladi.