Jizzax shahrida tez tibbiy yordam markazi zamonaviy jihozlar bilan ta’minlandi
2025-12-22 13:05:00 / Yangiliklar
Jizzax shahrida tashabbusli budjet jarayonlarining 2025-yil 2-mavsumida g‘olib deb topilgan loyihalar doirasida aholi salomatligini ta’minlashga qaratilgan muhim ishlar amalga oshirildi. Xususan, Respublika shoshilinch tez tibbiy yordam ilmiy markazi (RSHTTYOIM) Jizzax filiali uchun zarur bo‘lgan zamonaviy tibbiy uskuna va jihozlar olib kelinib, foydalanishga topshirildi.
Mazkur loyiha doirasida tibbiyot muassasasi monoblok, muzlatkich, defibrillyator, narkoz apparati, karavot oldi monitor, shprits nasos, LOR kombayn, xirurgik jihozlar to‘plami, zamonaviy monitorlar hamda bikslar bilan to‘liq jihozlandi. Bu esa shoshilinch tibbiy yordam ko‘rsatish sifatini yanada oshirish, bemorlarga tezkor va samarali xizmat ko‘rsatish imkoniyatini yaratadi.