Surxondaryo viloyati Jarqo'rg'on tumani hokimligi

🔰 Energiyani tejash – bugunning dolzarb vazifasi, ertangi farovon hayot kafolati!

📜 Prezidentimizning 2024-yil 27-martdagi PF–63-sonli Farmoni asosida mamlakatimizda energetika sohasida mutlaqo yangi tizim – Energiya samaradorligi milliy agentligi tashkil etildi. Bu qaror nafaqat iqtisodiyotimiz barqarorligini ta’minlash, balki ekologik xavfsizlikni mustahkamlash hamda kelajak avlodlarga munosib hayot sharoitini yaratishda muhim burilish nuqtasi bo‘ldi.

🗣 Davlatimiz rahbari mazkur masalaning dolzarbligini ta’kidlab:
“Energiya tejamkorligi – bu nafaqat iqtisodiy foyda, balki ekologik xavfsizlik va kelajak avlodlar oldidagi burchimizdir”, – deya alohida urg‘u berdilar.

✅ Shu asosda bugun Jarqo‘rg‘on tumani hokimligi majlislar zalida hokimning birinchi o‘rinbosari Farhod Naimov rahbarligida keng qamrovli o‘quv-seminar o‘tkazildi.

👥 Seminarda Energiya samaradorligi milliy agentligi mas’ullari, mahalla raislari, hokim yordamchilari va boshqa mas’ul tashkilot vakillari ishtirok etib, quyidagi masalalar yuzasidan batafsil tushunchalar berildi:
 • Agentlikning ustuvor vazifalari va faoliyat yo‘nalishlari;
 • Yurtimizda energiya tejovchi zamonaviy texnologiyalarni keng joriy etish tartib-qoidalari;
 • Fuqarolar hamda tadbirkorlar uchun taqdim etiladigan subsidiyalar, kompensatsiyalar va soliq imtiyozlari;
 • Energiya resurslaridan oqilona foydalanish orqali ijtimoiy-iqtisodiy samaradorlikka erishish yo‘llari.

🌍 Ta’kidlandiki, ushbu imkoniyatlar Jarqo‘rg‘on tumanida yashil iqtisodiyot tamoyillarini bosqichma-bosqich joriy etish, energiya samaradorligini oshirish va tabiiy resurslardan oqilona foydalanish uchun keng sharoit yaratadi. Bu esa nafaqat bugungi farovonlikni ta’minlaydi, balki kelajak avlodlar uchun sog‘lom ekologik muhitni kafolatlaydi.

🌱 Tejamkorlik – barqaror rivojlanishning boshlang‘ich nuqtasi, energiya samaradorligi esa ertangi taraqqiyot kalitidir!