Surxondaryo viloyati Jarqo'rg'on tumani hokimligi

Mahallalarda “Yettilik” tizimi faoliyatini takomillashtirish bo‘yicha o‘quv-seminar o‘tkazildi

O‘zbekiston Mahallalari uyushmasi Surxondaryo viloyati boshqarmasi xodimlari tomonidan Jarqo‘rg‘on tumanida mahalla fuqarolar yig‘inlari raislari hamda “yettilik” tizimi vakillari ishtirokida o‘quv-seminar tashkil etildi.

Seminar davomida mahallalarda “yettilik” tizimi — mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori, soliq inspektori va ijtimoiy xodim o‘rtasidagi hamkorlikni yanada mustahkamlash, faoliyat samaradorligini oshirish hamda aholi muammolarini manzilli hal etish masalalari muhokama qilindi.

Shuningdek, davlatimiz tomonidan qabul qilinayotgan yangi qonunlar, farmonlar va ijtimoiy dasturlarning mazmun-mohiyatini mahalla raislariga yetkazish, ular orqali esa fuqarolar va har bir xonadonga samarali tarzda tushuntirish mexanizmlarini takomillashtirish bo‘yicha tavsiyalar berildi.