Surxondaryo viloyati Jarqo'rg'on tumani hokimligi

Jarqo'rg'on tumanida bitiruvchi o‘quvchilarga oltin va kumush medallar topshirildi

2025–2026 o‘quv yilida tumandagi umumiy o‘rta ta’lim maktablarini 3146 nafar yoshlar muvaffaqiyatli tamomladi. Ular orasidan 11 nafar bitiruvchi “Oltin” medal, 1 nafar bitiruvchi esa “Kumush” medalga munosib deb topildi.

Tuman hokimligida tashkil etilgan tadbirda bitiruvchi o‘quvchilar, ularning ota-onalari va ustoz-murabbiylar ishtirok etdi. Marosim davomida oltin va kumush medallar o‘z egalariga bayramona ruhda topshirildi.

Tadbirda tuman hokimi o'rinbosari B.Abdullyev  so‘zga chiqib, mamlakatimizda yoshlar ta’limi, ularning kelajagi uchun yaratilayotgan shart-sharoitlar va imkoniyatlar haqida alohida to‘xtalib o‘tdi. Shuningdek, bitiruvchilarga kelgusida oliy ta’lim muassasalarida tahsil olib, Vatan ravnaqiga munosib hissa qo‘shishlari borasida ishonch bildirdi.