Surxondaryo viloyati Jarqo'rg'on tumani hokimligi

Jarqo‘rg‘on tumani hokimi Ilhom Saparovning tuman aholisiga rasmiy murojaati

Assalomu alaykum, qadrli tumandoshlar!

Bugungi kunda yurtimizda adolat va qonuniylikni ta’minlash, davlat boshqaruvini izchil takomillashtirish hamda xalq manfaatlarini ustuvor etish yo‘lida keng ko‘lamli islohotlar amalga oshirilmoqda. Mazkur jarayonda korrupsiyaga qarshi murosasiz kurashish ustuvor vazifa sifatida belgilangan.

Jarqo‘rg‘on tumanida ham korrupsiyaga qarshi kurashish, ochiqlik va shaffoflikni ta’minlash hamda fuqarolar ishonchini mustahkamlash maqsadida tumanni “korrupsiyadan holi hudud”ga aylantirish bo‘yicha alohida dastur  (https://e-qaror.gov.uz/doc/2342532)qabul qilinib, izchil amalga oshirib kelinmoqda.

 Ushbu yo‘nalishda davlat organlari bilan bir qatorda har bir fuqaroning faol fuqarolik pozitsiyasi muhim ahamiyat kasb etadi.
Hozirgi kunda tumanda: — davlat xizmatlari ko‘rsatish tizimida ochiqlik va raqamlashtirish keng joriy etilmoqda;
— yer ajratish, qurilish va byudjet mablag‘laridan foydalanish jarayonlarida to‘liq shaffoflik ta’minlanmoqda;
— aholi murojaatlari bilan ishlashda adolatlilik, xolislik va tezkorlik tamoyillari kuchaytirilmoqda;
— mansabdor shaxslar faoliyati ustidan qat’iy nazorat mexanizmlari yo‘lga qo‘yilgan.
Shu bilan birga, korrupsion xavflarning oldini olish maqsadida: — kadrlar rotatsiyasi tizimi joriy etilib, bir lavozimda uzoq muddat ishlash natijasida yuzaga kelishi mumkin bo‘lgan salbiy holatlarning oldi olinmoqda;
— rahbar va xodimlarning shaxsiy javobgarligi hamda hisobdorligi izchil oshirib borilmoqda;
— jamiyatda “halollik muhiti”ni shakllantirishga qaratilgan targ‘ibot-tushuntirish ishlari tizimli ravishda olib borilmoqda.

Hurmatli tumandoshlar!

Korrupsiyaga qarshi kurashish — bu faqatgina davlat idoralari zimmasidagi vazifa emas, balki har birimizning muqaddas fuqarolik burchimizdir. Jamiyatda halollik, adolat va qonun ustuvorligi tamoyillari mustahkam qaror topsa, ko‘zlagan maqsadlarimizga albatta erishamiz.

Sizlarni har qanday poraxo‘rlik, tanish-bilishchilik va qonunbuzarlik holatlariga nisbatan murosasiz bo‘lishga, bunday illatlarga befarq qarab turmaslikka chaqiraman.

Agar siz korrupsiyaga oid holatlarga duch kelsangiz yoki bu borada ma’lumotga ega bo‘lsangiz, quyidagi ishonch aloqalari orqali murojaat qilishingizni so‘raymiz:
📞 Tuman hokimligining ishonch telefonlari:
☎️ +998 76 432 11 91
📞 +998 91 902 93 55
📩 Telegram messenjeri: @dilnoz_927
🌐 Rasmiy veb-sayt: https://gov.uz/oz/jarqorgon/sections/korrupsiyaga-qarshi-kurashish-bo-yicha-ishonch-raqamlari

Barcha murojaatlar qat’iy nazoratga olinadi hamda ularning maxfiyligi to‘liq ta’minlanadi.

Hurmatli yurtdoshlar!

Ishonch bilan aytamanki, faqatgina o‘zaro hamjihatlik, qat’iy intizom va yuksak fuqarolik mas’uliyati orqali Jarqo‘rg‘on tumanini haqiqiy ma’noda korrupsiyadan xoli hududga aylantira olamiz.