Andijon viloyati Izboskan tumani hokimligi

Biznesni rivojlantirish bankining Izboskan tumanidagi filiali faoliyatini boshladi Bo‘lib o‘tgan tantanali ochilish marosimida Izboskan tumani hokimi ishtirok etib, yangi bank filiali faoliyati bilan tanishdi. Tadbirda ta’kidlanganidek, filialning asosiy vazifalaridan biri tadbirkorlik subyektlarini qo‘llab-quvvatlash, aholining biznes tashabbuslarini moliyaviy jihatdan rag‘batlantirish hamda yangi ish o‘rinlari yaratishga ko‘maklashishdan iborat. Tuman hokimi o‘z so‘zida bank faoliyatining asosiy natijasi aholi daromadlarini oshirish, yangi tadbirkorlik loyihalarini amalga oshirish va fuqarolarning bandligini ta’minlashda namoyon bo‘lishi kerakligini alohida ta’kidladi. Yangi filialning ishga tushirilishi tumanda tadbirkorlik muhitini yanada rivojlantirish, aholi va biznes vakillarining moliyaviy xizmatlardan foydalanish imkoniyatlarini kengaytirishga xizmat qilishi ko‘zda tutilgan. Sahifa: @Izboskanpress_uz