"Payshanba — yoshlar kuni" munosabati bilan startap loyiha egalari bo‘lgan yoshlar bilan muloqot o‘tkazildi
2026-06-11 12:05:00 / Yangiliklar
Bugun Izboskan tumani hokimi "Payshanba — yoshlar kuni" munosabati bilan startap loyiha egalari bo‘lgan yoshlar bilan muloqot o‘tkazdi. Uchrashuv davomida yoshlar tomonidan amalga oshirilayotgan innovatsion g‘oyalar, tadbirkorlik tashabbuslari va istiqbolli loyihalar muhokama qilindi.
Muloqot chog‘ida yoshlar o‘z loyihalarining mazmuni, amalga oshirish bosqichlari hamda kelgusidagi rejalari haqida ma’lumot berdi. Shuningdek, loyihalarni rivojlantirish, moliyalashtirish imkoniyatlari, bozorga chiqish va davlat dasturlari doirasidagi qo‘llab-quvvatlash mexanizmlari yuzasidan fikr almashildi.
Tumani hokimi yoshlarning tashabbuslari va innovatsion fikrlarini qo‘llab-quvvatlash muhim ekanini ta’kidlab, ularning g‘oyalarini amaliyotga tatbiq etishda tegishli tashkilotlar bilan hamkorlik qilish zarurligini qayd etdi. Shuningdek, bunday uchrashuvlar yoshlarning tadbirkorlik faolligini oshirish va yangi ish o‘rinlari yaratishga xizmat qilishi ta’kidlandi.
Uchrashuv yakunida yoshlar tomonidan bildirilgan taklif va murojaatlar o‘rganilib, ularni amalga oshirish yuzasidan mas’ullarga tegishli vazifalar belgilandi.