JICA delegatsiyasi Ishtixon tumanida aholi xonadonlarida yo‘lga qo‘yilgan qurtchilik faoliyati bilan tanishdi
2026-06-26 10:10:00 / Yangiliklar
JICA delegatsiyasi Ishtixon tumanida aholi xonadonlarida yo‘lga qo‘yilgan qurtchilik faoliyati bilan tanishdi
Yaponiyaning Xalqaro hamkorlik agentligi (JICA) delegatsiyasi Ishtixon tumaniga tashrifi doirasida “Chinortepa” mahalla fuqarolar yig‘inida aholi xonadonlarida yo‘lga qo‘yilgan qurtchilik faoliyati bilan tanishdi.
Ma’lum qilinishicha, mahalladagi 717 ta xonadondan 550 tasida qurt mahsulotlari yetishtirish va ishlab chiqarish yo‘lga qo‘yilgan. Hududdagi 701 nafar mehnatga layoqatli aholining 650 nafari mazkur yo‘nalishda faoliyat yuritib, o‘zining barqaror daromad manbaiga ega bo‘lgan.
Delegatsiya a’zolari qurtchilik bilan samarali shug‘ullanayotgan xonadonlardan biri — fuqaro Sulaymonov Habibullo Salohiddinovich xonadonida bo‘lib, bu yerda yaratilgan sharoitlar, ishlab chiqarish jarayoni hamda oilaviy tadbirkorlikni rivojlantirish borasidagi amaliy tajriba bilan yaqindan tanishdilar.
Tashrif davomida mehmonlarga hududda aholi bandligini ta’minlash, xonadonlarda qurtchilikni rivojlantirish, qurt mahsulotlarini yetishtirish va ulardan samarali foydalanish, shuningdek, aholi daromadlarini oshirish hamda oilaviy tadbirkorlikni qo‘llab-quvvatlash yo‘nalishida amalga oshirilayotgan ishlar yuzasidan batafsil ma’lumot berildi.
Mazkur tajriba mahallalarda aholi bandligini ta’minlash, xonadonlardan unumli foydalanish va daromad manbalarini kengaytirishda samarali model sifatida e’tirof etildi.
——
ISHTIXON TUMANI HOKIMLIGI AXBOROT XIZMATI
Ishtixon.uz |Telegram |Instagram |Facebook