Samarqand viloyati Ishtixon tumani hokimligi

⚽️ Ishtixonda futbol shukuhi: “Ustozlar xiyoboni”da O‘zbekiston – Portugaliya uchrashuvi tomosha qilinmoqda

Ayni damda Ishtixon tumanidagi “Ustozlar xiyoboni”da jahon chempionati doirasidagi O‘zbekiston – Portugaliya uchrashuvi jonli namoyish etilmoqda. Ushbu futbol oqshomi tuman futbol muxlislarini bir joyga jamladi.
 

Muxlislar milliy terma jamoamizni qizg‘in qo‘llab-quvvatlab, uchrashuvning har bir lahzasini katta hayajon bilan kuzatmoqdalar. “Ustozlar xiyoboni”da haqiqiy sport bayrami muhiti hukm surib, birdamlik, vatanparvarlik va g‘alabaga bo‘lgan ishonch yanada mustahkamlanmoqda.

Bunday ommaviy tomoshalar nafaqat futbolga bo‘lgan qiziqishni oshiradi, balki aholining mazmunli hordiq chiqarishi hamda yoshlar o‘rtasida sog‘lom turmush tarzini targ‘ib etishga ham xizmat qiladi.

🇺🇿⚽️ Ishtixonlik muxlislar esa yagona maqsad — O‘zbekiston milliy terma jamoasini qo‘llab-quvvatlash va uning muvaffaqiyatlariga sherik bo‘lish atrofida birlashmoqda.
——
ISHTIXON TUMANI HOKIMLIGI AXBOROT XIZMATI
Ishtixon.uz |Telegram |Instagram |Facebook