Deputatlik so‘rovi
2026-04-27 10:10:00 / Yangiliklar
🇺🇿 Sohibkor mahallasidagi Tusinsoy soyida qirg‘oqni mustahkamlash ishlari yuzasidan deputatlik so‘rovi yuborildi (https://t.me/Ishtixon_tuman_Kengashi/8198)
Xalq deputatlari Ishtixon tumani Kengashi deputati Gulpashsha Xudayberganova tomonidan Ishtixon tumani hokimining o‘rinbosari – tuman Obodonlashtirish boshqarmasi boshlig‘i S.Ochilovga deputatlik so‘rovi yuborildi.
Unda O‘zbekiston Respublikasi Prezidentining 2025-yil 27-dekabrdagi PQ-393-son qarorida belgilangan Sohibkor mahallasi hududidan oqib o‘tuvchi Tusinsoy soyining 500 metr qirg‘oqlarini mustahkamlash va damba qurish ishlari yuzasidan ma’lumot so‘ralgan.
🔹 2026-yil I choragi davomida amalga oshirilgan ishlar;
🔹 Loyiha ijrosining bugungi holati;
🔹 Qirg‘oqni mustahkamlash va damba qurilishi ishlari sifati;
🔹 Belgilangan muddatlarda ishlarni yakunlash imkoniyati;
🔹 Mavjud muammo va to‘siqlar yuzasidan asoslantirilgan ma’lumot taqdim etilishi so‘ralgan.
Mazkur deputatlik so‘rovi Sohibkor mahallasida sel va suv toshqini xavfini kamaytirish, aholi yashash hududlari hamda infratuzilma obyektlarini himoya qilish bo‘yicha amalga oshirilayotgan ishlar ustidan samarali deputatlik nazoratini ta’minlashga qaratilgan.
——
ISHTIXON TUMANI HOKIMLIGI AXBOROT XIZMATI