Joriy yilning 6-aprel kuni Ichki ishlar vaziri oʻrinbosari general-mayor Baxodir Mirzaraximov boshchiligida IIV Qorovul qoʻshinlari qoʻmondonligiga qarashli 7534 va 7535-son harbiy qismlarda yangi chaqirilgan muddatli harbiy xizmatchilarning tantanali ravishda Vatanga qasamyod tadbiri boʻlib oʻtdi.

Vazir oʻrinbosari IIV Qorovul qoʻshinlari safiga Fargʻona, Buxoro, Navoiy, Jizzax, Surxondaryo viloyatlari va Qoraqalpogʻiston Respublikasidan chaqirilgan oʻgʻlonlar xalqimizning tinchligi va osoyishtaligini har qanday sharoitda koʻz qorachigʻidek asrashni, zimmalariga yuklatilgan faxrli va masʼuliyatli majburiyatlarini har doim eslatib turishini, harbiy xizmatchilarimiz va ularning oila aʼzolarini ijtimoiy muhofazasi taʼminlanib kelinayotganligini taʼkidlab oʻtdilar.

Tadbirda yangi askarlar Vatanimizni himoya qilishdek faxrli, shu bilan birga masʼuliyatli vazifani muvaffaqiyatli bajarib, yurtimizni buguni va kelajagini, xalqimizning tinch va osoyishta hayotini himoya qilib, Qorovul qoʻshinlarini har tomonlama yuksaltirishga oʻz hissalari qoʻshishlari, Vatanga qasamyod qabul qilishgani bilan samimiy tabriklar bildirildilar.

IIV Transport va turizm obyektlarida xavfsizlikni taʼminlash departamenti Axborot guruhi