Sirdaryo viloyati Ichki ishlar boshqarmasi boshligʻi polkovnik Sanjar Djabarov huzurida mahalla faollari ishtirokida muhokama yigʻilishi oʻtkazildi
2024-02-09 09:00:00 / Yangiliklar
Guliston shahar Namuna mahallasida yuz bergan ogʻir turpdagi jinoyat mahalla faollari va yoshlar ishtirokida muhokama qilindi.
Guliston shahar Namuna mahallasida boʻlib oʻtgan yigʻilish Sirdaryo viloyati Ichki ishlar boshqarmasi va Guliston shahar hokimligi tomonidan uyushtirildi.
Tadbirda Sirdaryo viloyati Ichki ishlar boshqarmasi boshligʻi, polkovnik Sanjar Djabarov hududda jinoyatchilikka qarshi kurashish va uning oldini olish, fuqarolar osoyishtaligini taʼminlash borasidagi ishlar xususida soʻz yuritdi.
Muhokamada sodir etilgan ogʻir turdagi jinoyatga sabab boʻlgan omillar tahlil qilindi, oqibatlari tushuntirildi. Mahalla faollari va nuroniylar holat yuzasidan fikrlarini bildirib, shu kabi ogʻir turdagi jinoyat, qonunbuzilishlarga qarshi barcha birdek kurashishlari lozimligini taʼkidladilar.
Yigʻilishda shu kabi jinoyatlarning oldini olish hamda jamoat xavfsizligi va osoyishtaligini taʼminlash, jinoyatchilik va huquqbuzarlikni jilovlash boʻyicha masʼullarga topshiriqlar berildi.
Sirdaryo viloyati IIB Axborot xizmati