Buxoro viloyati IIB boshligʻi polkovnik Mirjamol Miralimov voyaga yetmaganlar bilan ishlashning “Buxoro tajribasi” asosida Romitan tumanida amalga oshirilayotgan ishlarni oʻrgandi
2023-12-19 22:00:00 / Yangiliklar
Bunda, ushbu tizim asosida hamkorlikda faoliyat olib boruvchi toʻrtlik vakillariga jinoyat sodir etishga moyil boʻlgan alohida toifalardagi voyaga yetmagan yoshlarning yashash xonadoniga borib, ular bilan individual suhbatlar olib borish kerakligi, maktabning ichki nazoratiga tushish sabablarini aniqlash bilan birga, oilaviy sharoitlarini, ota-onasi bilan oʻzaro munosabati, oilada oʻquvchining taʼlim olishi uchun yaratilgan sharoit hamda oilaviy muhitini oʻrganish zarurligi alohida taʼkidlandi.
Shuningdek, mazkur yoshlarning psixologik portretlarini shakllantirib, ularni sogʻlom turmush-tarziga qaytarish uchun alohida reja dastur asosida ishlarni tashkil etish kerakligi borasida tegishli topshiriqlar berildi.
Buxoro viloyati IIB Axborot xizmati