Xorazm viloyatida Ichki ishlar vaziri ishtirokida xalq deputatlari viloyat Kengashining navbatdan tashqari sessiyasi boʻlib oʻtdi
2025-03-15 12:40:00 / Yangiliklar
Tadbirda viloyat hokimi, xalq deputatlari Kengashining aʼzolari, jamoatchilik faollari, hamkor tashkilotlarning mutasaddilari hamda viloyat huquqni muhofaza qiluvchi organlarining rahbarlari ishtirok etdilar.
Yigʻilishda tashkiliy masala koʻrildi. Ichki ishlar vazirining buyrugʻi bilan Toshkent shahar Yunusobod tumani ichki ishlar organlari faoliyatini muvofiqlashtirish boshqarmasi boshligʻi lavozimini egallab kelgan polkovnik Shermuxamedov Abdumajid Mavlyanovich Xorazm viloyati Ichki ishlar boshqarmasi boshligʻi lavozimiga tayinlandi.
Shuningdek, kun tartibiga muvofiq, Davlatimiz rahbarining joriy yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimini takomillashtirishga qaratilgan qarorini ijrosi, viloyat ichki ishlar organlari faoliyatining yillik sarhisobi hamda kelgusida tizim faoliyatini yanada takomillashtirishga oid masalalar atroflicha muhokama qilindi.
Tadbirda koʻtarilgan muammolar va yechimini kutayotgan masalalar boʻyicha soha mutasaddilarining taklif va mulohazalari tinglanib, yangi tayinlangan viloyat IIB rahbariga tegishli topshiriqlar berildi.