Qoraqalpogʻiston Respublikasi IIV rahbariyati boshchiligida Nukus shahrida sodir etilgan ogʻir oqibatli jinoyatlar muhokama qilindi
2025-03-11 19:35:00 / Yangiliklar
Soʻnggi vaqtda Nukus shahrida yuz bergan ogʻir oqibatli jinoyatlarning kelib chiqish sabablari va kelgusida bunday salbiy holatlarning oldini olishga bagʻishlanib Nukus shahri hokimligida majlis oʻtkazildi.
Yigʻilishda Qoraqalpogʻiston Respublikasi Ichki ishlar vaziri va tegishli idora tashkilot rahbarlari, Ichki ishlar organlari xodimlari, shuningdek mahalla fuqarolar yigʻinlari vakillari ishtirok etdi.
Taʼkidlanganidek, ayrim hududlarda mahalla yettiligi tomonidan huquqbuzarlik va jinoyatchilikning oldini olish borasidagi ishlar toʻgʻri tashkil etilmaganligi ogʻir oqibatli jinoyatlar sodir etilishiga sabab boʻlmoqda.
Shuning uchun ham yigʻilishda mahalla fuqarolar yigʻinlari vakillari va hamkor idoralar xodimlariga sodir etilgan holatlardan toʻgʻri xulosa chiqarib, kelgusida bunday jinoyatlarning oldini olish borasidagi ishlarni kuchaytirish lozimligi taʼkidlandi.
Tadbir yakunida kelgusida huquqbuzarlik va jinoyatchiliklarning, shuningdek, boshqa favqulodda holatlarning oldini olish boʻyicha yigʻilgan masʼul xodimlarga vazifalar belgilab berildi.
Qoraqalpogʻiston Respublikasi IIV Axborot xizmati