Samarqand viloyati Urgut tumanida oʻrganishlar olib borildi
2025-03-11 15:55:00 / Yangiliklar
Davlatimiz rahbari tomonidan imzolangan “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi Qarori ijrosini amaliyotga tatbiq etish yuzasidan Samarqand viloyati IIB rahbariyati Urgut tumanida oʻrganishlar olib bordi.
Oʻrganish davomida tuman hududida jinoyatchilikning oldini olish, osoyishtalikni saqlash, fuqarolar xavfsizligini taʼminlash masalalariga eʼtibor qaratilib, bu borada masʼullarga kerakli maslahat va tavsiyalar berildi.
Shuningdek, boshqarma boshligʻi Urgut tumani IIBdagi “Xavfsiz hudud” loyihasi doirasidagi “Vaziyatlar markazi”da boʻlib, bu yerdagi yuzdan tanib oluvchi kameralarning ishlash jarayoni bilan ham tanishdi.
Markaziy koʻchalar, bozorlar va istirohat bogʻlari, tarixiy obidalar va diniy ibodat maskanlari, tibbiyot va taʼlim muassasalari atrofiga oʻrnatilgan kuzatuv moslamalarining ishlash jarayonlari ham koʻzdan kechirildi.
Samarqand viloyati IIB Axborot xizmati