Andijon viloyati IIBda raqamli transformatsiya jarayonlarini jadallashtirish boʻyicha oʻquv seminari oʻtkazildi
2025-03-09 12:25:00 / Yangiliklar
Maʼlumki Prezidentimizning axborot-kommunikatsiya texnologiyalari sohasini yangi bosqichga olib chiqish chora-tadbirlari toʻgʻrisidagi Qaroriga asosan Ichki ishlar vazirligining tarkibiy va hududiy boʻlinmalari faoliyatini raqamlashtirish doirasida “Yagona himoyalangan elektron hujjat aylanish tizimi”ni joriy qilish vazifasi belgilangan.
Mazkur topshiriq ijrosini Andijon viloyatida amalga oshirilishini taʼminlash maqsadida Ichki ishlar vazirligi ishchi guruhi tomonidan oʻquv seminari tashkil qilindi.
Seminar davomida ishtirokchilarga yagona himoyalangan elektron hujjat aylanish tizimini joriy qilishning afzallik va qulayliklari, joriy qilish tartiblari yetkazildi.
Oʻtgan davrda mazkur sohada amalga oshirilgan ishlar tahlil qilinib, oldinda turgan ustuvor vazifalar belgilab olindi.
Andijon viloyati IIB Axborot xizmati