Buxoro viloyati IIB boshligʻi polkovnik Ikromjon Tursunov Gʻijduvon tumanining ogʻir hududlaridan biri “Toshloq“ mahallasida amalga oshirilayotgan keng koʻlamli ishlar bilan yaqindan tanishdi
2025-02-27 09:00:00 / Yangiliklar
Buxoro viloyati IIB boshligʻi Ikromjon Tursunov Gʻijduvon tumanidagi “Toshloq” mahallasida amalga oshirilayotgan keng koʻlamli ishlar bilan tanishdi.
Prezident qaroriga muvofiq, ogʻir toifali mahallalarni obod va xavfsiz hududlarga aylantirish maqsadida infratuzilmani yaxshilash, ijtimoiy-iqtisodiy rivojlantirish, tadbirkorlikni qoʻllab-quvvatlash ishlari olib borilmoqda.
Sektor rahbari mahalla aholisi bilan uchrashib, ularning muammolarini oʻrgandi va tegishli koʻrsatmalar berdi. Ishsizlikni kamaytirish, tomorqalardan samarali foydalanish, tadbirkorlik va chorvachilikni rivojlantirish masalalari koʻrib chiqildi.
Shuningdek, “Xavfsiz koʻcha” va “Xavfsiz yoʻlak” loyihalari doirasida harakat xavfsizligini taʼminlash ishlari tekshirildi.
Mahallada videokuzatuv kameralarini koʻpaytirish, quyosh panellaridan foydalanish, yoʻllarni obodonlashtirish, yangi bogʻlar yaratish va qishloq xoʻjaligi tadbirlarini rivojlantirish boʻyicha topshiriqlar berildi.
Buxoro viloyati IIB Axborot xizmati