Fargʻona va Andijon viloyatlarida Prezident Qarori ijrosi yuzasidan bir qator ishlar amalga oshirilmoqda
2025-02-21 11:55:00 / Yangiliklar
Prezidentimizning “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi Qarori ijrosini taʼminlash maqsadida, “Xavfsiz shahar” tizimlarini rivojlantirish markazi tomonidan Fargʻona va Andijon viloyatlarining “qizil” toifaga kiritilgan mahallalarida intellektual videokuzatuv kameralarini oʻrnatish ishlari amalga oshirilmoqda.
Qarorga asosan, Fargʻona viloyati hududidagi 147 ta, Andijon viloyati hududidagi 118 ta “qizil” toifaga kiritilgan mahallalarda oʻrganish ishlari olib borilib, bugungi kunda markaz tomonidan intellektual videokuzatuv kameralari oʻrnatilmoqda.
Bu intellektual videokuzatuv kameralari har bir mahallaning asosiy kirish va chiqish joylarida, aholi xonadonlari, koʻcha va jamoat joylarida, maishiy va xizmat koʻrsatish shoxobchalari, mulkchilik shaklidan qatʼiy nazar korxona va tashkilotlar oldida oʻrnatiladi hamda viloyat Vaziyatlar markazlariga integratsiya qilinishi taʼminlanadi.
“Xavfsiz shahar” tizimlarini rivojlantirish markazi