Qoraqalpogʻiston Respublikasi Vazirlar Kengashida kiberxavfsizlik va internetdagi firibgarliklarning oldini olish boʻyicha yigʻilish oʻtkazildi
2025-02-18 09:00:00 / Yangiliklar
Yigʻilishda Qoraqalpogʻiston Respublikasi Prokurori Erkaboy Tadjiyev, Ichki ishlar vaziri Baxtiyar Torebekov va kun tartibidagi masalaga aloqador vazirlik, idora va tashkilotlar rahbarlari, shuningdek Nukus shahri va tumanlar studiyalaridan sektor rahbarlari, tegishli idora, tashkilotlar rahbarlari va mahalla yettiligi vakillari ishtirok etdi.
Yigʻilishda Prezidentning jamoat xavfsizligi va internet huquqbuzarliklarining oldini olishga oid qarorlari ijrosi muhokama qilindi.
IIV va Kiberxavfsizlik boʻlimi rahbarlari tomonidan internetdagi soxta havolalar va jinoiy sxemalar haqida aholini xabardor qilish, shaxsiy maʼlumotlarni himoyalash boʻyicha tushuntirish ishlarini kuchaytirish zarurligi taʼkidlandi.
Shuningdek, rasmiy ijtimoiy tarmoqlar orqali kiberxavfsizlik boʻyicha maʼlumotlarni keng tarqatish va aholini ogohlantirish boʻyicha choralar belgilandi.
Qoraqalpogʻiston Respublikasi IIV Axborot xizmati