Qoraqalpogʻiston Respublikasi Ichki ishlar vazirligi huzuridagi Tergov boshqarmasi, Migratsiya va fuqarolikni rasmiylashtirish boshqarmasi hamda Ekspert-kriminalistika markazi tomonidan 2024-yil davomida amalga oshirilgan ishlar, erishilgan yutuqlar hamda yoʻl qoʻyilgan kamchiliklar yuzasidan hisobot-yigʻilishi oʻtkazildi.

Joriy yilning 28-yanvar kuni Qoraqalpogʻiston Respublikasi ichki ishlar vazirligida, vazir oʻrinbosari polkovnik M.T.Raxmatullayev raisligida Ichki ishlar organlari tergov boʻlinmalari, Migratsiya va fuqarolikni rasmiylashtirish boshqarmasi hamda Ekspert-kriminalistika markazining 2024-yil davomidagi ish koʻrsatkichlarini muhokama qilish, erishilgan natijalar, yoʻl qoʻyilgan kamchiliklar hamda kelgusida amalga oshirilishi lozim boʻlgan vazifalar yuzasidan tezkor yigʻilish oʻtkazildi.

Tanqidiy ruhda oʻtkazilgan tezkor yigʻilishda sohaviy xizmat tomonidan 2024-yil davomida erishilgan ijobiy natijalar bilan bir qatorda, tizimda yoʻl qoʻyilgan kamchiliklar, ularni kelib chiqishiga sabab boʻlgan omillar, shuningdek, xodimlarning tartib va ijro intizomiga rioya qilishlari muhokama qilindi hamda kelgusida amalga oshirilishi lozim boʻlgan ishlar yuzasidan maqsadli chora-tadbirlar belgilab olindi.

Yigʻilish yakunida, 2024-yil davomida oʻz xizmat burchini masʼuliyat bilan sidqidildan, halol bajargan, ijobiy natijalarga erishgan, hamkasblariga oʻrnak boʻlgan bir guruh xodimlarga faxriy yorliq hamda esdalik sovgʻalar topshirildi.

Qoraqalpogʻiston Respublikasi IIV Axborot xizmati