Oʻzbekiston Respublikasi Ichki ishlar vazirining 2021-yil 31-mart kunidagi tegishli buyrugʻiga asosan joriy yilning 21-yanvar kuni Surxondaryo viloyati ichki ishlar boshqarmasi Maʼnaviy-maʼrifiy ishlar va kadrlar bilan taʼminlash xizmati tomonidan ayol xodimalar oʻrtasida “Zakovat” intellektual oʻyini oʻtkazildi.

Qizgʻin jarayonlarga boy tarzda oʻtkazilgan musobaqada faxrli uchinchi oʻrinni “Xumo” jamoasi, ikkinchi oʻrinni “Yoshlar” jamoasi, birinchi oʻrinni “Adolat” jamoasi qoʻlga kiritib, respublika bosqichida ishtirok etish huquqini qoʻlga kiritdi.

Tanlovning gʻolib va sovrindorlari boshqarma rahbariyati tomonidan diplom va qimmatbaho esdalik sovgʻalar bilan taqdirlanishdi.

Albatta bu kabi tanlovlarni muntazam ravishda oʻtkazib borish, tizimda xizmat olib borayotgan xodimlarning intellektual salohiyati, dunyoqarashi va maʼnaviyatini yuksaltirish hamda kitobxonlik madaniyatini oshirishga yanada yordam beradi.

Surxondaryo viloyati IIB Axborot xizmati