Qashqadaryo viloyati ichki ishlar organlari ayol xodimalari-ning xizmat intizomi va qonunchilikka rioya etishi, korrupsion jinoyatlarga murosasiz boʻlishini taʼminlash, ular oʻrtasida jamoaviy muhitni yaxshilashga alohida eʼtibor qaratilmoqda.

Ichki ishlar organlari xodimalarning bilimi, kitobxonlik darajasini oshirish nihoyatda muhim vazifadir, — deydi viloyat IIB Maʼnaviy-maʼrifiy ishlar va kadrlar bilan taʼminlash xizmati boshligʻining xotin-qizlar masalalari boʻyicha oʻrinbosari, podpolkovnik Zarina Kenjayeva. — Shuni inobatga olgan holda, oʻtgan yili kitobxonlik musobaqasi, oʻnga yaqin “Zakovat” intellektual oʻyinlarini, “Fidoyi ayol xodima” koʻrik-tanlovini tashkil etdik.

Qolaversa, Xiva, Buxoro va Samar-qand shaharlariga, viloyatdagi diqqatga sazovor qadamjolarga uyushtirilgan sayohatlar, “Vatanparvar bogʻi”, “Qatagʻon qurbonlari” muzeylariga qilingan ekskursiyalar, teatr tomoshalari ayol xodimalarda unutilmas taassurot qoldirdi.

Hozirgi kunda “xodimbay” ishlash tizimi yaxshi samara bermoqda. Shu bois mazkur yoʻnalishda ish olib borilib, tizimdagi xotin-qizlarning turmush sharoiti va xizmat joylari oʻrganilib, aniqlangan kamchiliklarni bartaraf etish choralari koʻrildi. Xodimalarning oila aʼzolari, ota-onalari ishtirokida oʻtgan yigirmadan ortiq yigʻilishlar, 100 ortiq oʻtkazilgan individual suhbatlar ham xizmat faoliyati natijadorligiga erishishda muhim oʻrin tutdi.

Amalga oshirilayotgan ishlar oʻzining ijobiy natijasini berayotgani quvonarli hol. Masalan, oʻtgan yili Qarshi shahrida boʻlib oʻtgan “Ichki ishlar organlari yosh xodimlari va harbiy xizmatchilarning IIV Respublika yoshlar forumi”da viloyat IIB xotin-qizlar jamoasi harbiy estafeta, paramedik, sohil voleyboli yoʻnalishlarida faxrli birinchi va ikkinchi oʻrinlarni, Buxoro shahrida oʻtkazilgan “Toʻmaris izdoshlari” musobaqasida esa ikkinchi oʻrinni qoʻlga kiritishdi.

Hozirgi kunda viloyat IIB TVBSO xodimi, kichik serjant Oʻgʻiloy Jumanova, Kitob tumani IIB JXX HPB xotin-qizlar masalalari boʻyicha katta inspektori, mayor Dilabza Sevinova, Qarshi tumani IIB JXX HPB xotin-qizlar masalalari boʻyicha katta inspektori, katta leytenant Barchinoy Avazova, viloyat IIB M va FRB kanselyariya boshligʻi, safdor Charos Shamsuddinova kabi xodimlarimiz namunali xizmat qilib, oʻzlarining kasb mahoratlarini yoshlarga oʻrgatib kelishmoqda.

©️ “Postda” gazetasi, Sodiq Rahimov, Qashqadaryo viloyati.