Sirdaryo viloyati ichki ishlar boshqarmasi boshligʻi polkovnik Sanjar Djabarovning tashabbusi bilan viloyatning barcha shahar-tuman ichki ishlar boʻlimlari boshliqlarining oʻrinbosarlari – jamoat xavfsizligi xizmati boshliqlari, huquqbuzarliklar profilaktikasi boʻlim hamda boʻlinma boshliqlari, voyaga yetmaganlar va yoshlar bilan ishlash guruhlari katta inspektorlari, xotin-qizlar masalalari boʻyicha katta inspektorlar hamda profilaktika inspektorlariga “Xavfsiz migratsiya” tadbiri doirasida amalga oshiriladigan ishlar boʻyicha bilim va koʻnikmalarini oshirish yuzasidan oʻquv seminari tashkil etildi.

Oʻquv seminarini Sirdaryo viloyati IIB boshligʻining oʻrinbosari – jamoat xavfsizligi xizmati boshligʻi podpolkovnik Jonibek Boltayev kirish soʻzi bilan ochib berdi.

Shundan soʻng, seminar ishtirokchilariga katta tajribaga ega hamda malakali soha mutaxassislari tomonidan xorijiy davlatlarga uzoq muddatga migratsiyaga chiqib ketgan hamda qaytib kelgan fuqarolarning holidan xabar olish, ularning oilaviy shart-sharoitlarini oʻrganish hamda oʻrganishlar natijasiga koʻra aniqlangan ijtimoiy-iqtisodiy muammolarini bartaraf etish, bandliklarini taʼminlash boʻyicha Vazirlar Mahkamasining 2024-yil 30-noyabrdagi 801-sonli Qaroriga koʻra “Ijtimoiy profilaktika” tamoyiliga asosan mahalla “yettiliklariga” xulosalar berish yuzasidan ishlarni tashkil etish tartibi boʻyicha dars mashgʻulotlari boʻlib oʻtdi.

Shuningdek seminar ishtirokchilariga Guliston shahar “Namuna” mahallasi misolida “Xavfsiz migratsiya” tadbiri doirasida ushbu mahalla hududida yashovchi xorijiy davlatlarga uzoq muddatga migratsiyaga chiqib ketgan hamda qaytib kelgan fuqarolarning holidan xabar olish, ularning oilaviy shart-sharoitlarini oʻrganish hamda oʻrganishlar natijasiga koʻra aniqlangan ijtimoiy-iqtisodiy muammolarini bartaraf etish, bandliklarini taʼminlash boʻyicha amalga oshirilgan ishlar yuzasidan koʻrgazmali mashgʻulot boʻlib oʻtdi va barcha profilaktika inspektorlari oʻz mahallalarida “Xavfsiz migratsiya” tadbiri boʻyicha xuddi shu tartibda ishlarni tashkil etishlari zarurligi boʻyicha koʻrsatmalar berildi.

Sirdaryo viloyati IIB Axborot xizmati