Joriy yilning 13-14-dekabr kunlari “Dinamo” Jismoniy tarbiya va sport jamiyati Samarqand viloyati kengashining sport musobaqalari oʻtkazish taqvim-rejasiga asosan Samarqand viloyatidagi huquqni muhofaza qiluvchi organlar xodimlari hamda harbiy xizmatchilar oʻrtasida minifutbol boʻyicha viloyat “Dinamo” birinchiligi musobaqasi oʻtkazildi.

Musobaqa keskin va murosasiz jarayonlarga boy boʻldi. Unda ishtirok etgan har bir jamoa gʻoliblik uchun astoydil bellashdilar.

Musobaqalar yakuniga koʻra, 3-oʻrin Samarqand viloyati IIB terma jamoasiga, 2-oʻrin viloyat IIB TVBSO jamoasiga va faxrli 1-oʻrin Milliy gvardiya viloyat boshqarmasining Qoʻriqlash xizmati jamoasiga nasib etdi.

Samarqand viloyati IIB Axborot xizmati