Fargʻona viloyati IIB boshligʻi general-mayor Azizbek Ikramov Toshloq tumanida sayyor qabul oʻtkazdi
2024-11-07 09:00:00 / Yangiliklar
Fargʻona viloyati IIB rahbariyati shahar-tumanlarda, olis qishloq va mahallalarda boʻlib, sayyor qabullar oʻtkazishmoqda. Mazkur jarayonda fuqarolar bilan yuzma-yuz muloqot olib borilib, ularning murojaatlari joyida ijobiy hal etilyapti.
“Mahallabay” ishlash tizimini yanada takomillashtirish maqsadida tashkil etilayotgan navbatdagi sayyor qabul Toshloq tumanida joylashgan musiqa maktabida oʻtkazildi.
Ommaviy sayyor qabul davomida 27 nafar fuqarolarning murojaatlari atroflicha oʻrganib chiqildi.
Eʼtiborlisi, murojaatlarning 8tasi shu yerning oʻzida ijobiy hal etildi, 5 tasi yuzasidan malakali huquqiy maslahatlar berildi. Koʻrib chiqish muddat talab etadigan 14 ta murojaatning ijrosi nazoratga olindi.
Bir soʻz bilan aytganda, oʻtkazilgan sayyor qabul chekka hudud aholisini behad xursand qildi.
Fargʻona viloyati IIB Axborot xizmati