Ichki ishlar xodimlari. Fuqarolarning qonuniy manfaatlarini himoya qilish asnosida, el osoyishtaligini taʼminlashga masʼul boʻlgan soha fidoyisi. Eʼtirof etishimiz kerakki, bugun Osoyishtalik posbonlari tizimdagi islohotlarga hamohang xizmat olib bormoqdaki, natijada Metropolitenda xavfsizlikni taʼminlash boshqarmasi xodimlari saʼy-harakatlari bilan Jinoyatchilik va baxtsiz hodisalar sezilarli ravishda kamayishiga erishilganida koʻrinadi. Eʼtibor va ragʻbat keyingi faoliyat uchun ishonch demakdir. 25-oktyabr ichki ishlar organlari xodimlari kuni munosabati bilan Metropolitenda xavfsizlikni taʼminlash boshqarmasi xodimlari bir guruh kasb fidoyilari yuksak mukofotlar bilan taqdirlandi. Vazir oʻrinbosari general-mayor Baxodir Mirzaraximov rahbarligida oʻtkazilgan uchrashuvda shaxsiy tarkibga davlatimiz rahbarining bayram tabrigi oʻqib eshittirildi Soʻngra Toshkent metropoliteni davlat unitar korxonasi rahbari Usmanov Raxmonbek tomonidan xodimlarning kelgusidagi sharafli xizmat faoliyatlariga ulkan zafarlar tiladi.

Soʻngra, Ichki ishlar vazirining buyrugʻi bilan tashkil etilgan “Kasbiy olimpiyada oʻyinlari” musobaqasi, universal jang turi boʻyicha oʻtkazilgan “Oʻzbekiston kubogi”da gʻolib boʻlgan Metropolitenda xavfsizlikni taʼminlash boshqarmasining bir guruh xodimlarga “Kasb aʼlochisi” hamda “25-oktyabr – Ichki ishlar organlari xodimlari kuni” munosabati bilan 1 va 2 darajali “Benuqson xizmatlari uchun” koʻkrak nishonlari va Vatanga sadoqat ruxida tarbiyalash, huquq-tartibotni taʼminlash borasida hamkasblari orasida alohida oʻrnak boʻlib kelayotgan xodimlarga “Toshkent metropoliteni” davlat unitar korxonasi rahbariyati tomonidan qimmatbaho sovgʻalar topshirildi.

Shuningdek, vazir oʻrinbosari tomonidan boshqarma maʼmuriy binosida barpo etilgan saf maydoni koʻzdan kechirilib, mazkur maydonni jihozlash, eslatma bannerlarini oʻrnatish, maʼmuriy binoni kuz-qish mavsumiga munosib tayyorlash yuzasidan Metropoliten Davlat unitar korxonasi xodimlari bilan hamkorlikda bu borada amalga oshirilishi lozim boʻlgan ishlar yuzasidan koʻrsatmalar berildi.

Transport va turizm obyektlarida xavfsizlikni taʼminlash departamenti Axborot guruhi