O‘zbеkiston Rеspublikаsi Ichki ishlаr vаzirligi

Jizzax viloyatining Sharof Rashidov tumanidagi “Kuyovboshi” mahallasida ichki ishlar organlari xodimlari uchun 56 ta yakka tartibdagi uy foydalanishga topshirildi. Shu munosabat bilan uyushtirilgan tadbirda IIV faxriylar kengashi, markaziy harbiy okrug qoʻshinlari qoʻmondonligi, viloyat tashkilotlari masʼullari, faxriylar hamda soha vakillari ishtirok etdilar.

Tantanali tadbirda soʻz olgan viloyat hokimi Ergash Saliyev, viloyat IIB boshligʻi, general-mayor Gʻayrat Qodirov va boshqalar tomonidan tizimda kechayotgan islohotlar, xususan, xodimlar va ularning oila aʼzolarini ijtimoiy qoʻllab-quvvatlash borasida amalga oshirilayotgan ezgu ishlar tilga olindi. Jumladan, mazkur uylarning 17 tasining boshlangʻich toʻlovlari IIV tomonidan toʻlab berilgani maʼlum qilindi. Tadbir davomida xonadon sohiblariga turar joylar kalitlari tantanali ravishda topshirildi. Shuningdek, ularga televizor va kitoblar jamlanmalari sovgʻa qilindi. Oʻz navbatida, quruvchilarga minnatdorchilik bildirildi.

Soʻng yigʻilganlar xonadonlarda yaratilgan shart-sharoitlar bilan tanishdilar. Shu oʻrinda aytish joiz, uylar ichimlik suvi, elektr energiyasi va tabiiy gaz bilan taʼminlangan hamda oqova tizimiga ulangan. Qolaversa, bu yerda ichki ishlar xodimlari tomonidan 280 tup mevali daraxtga ega bogʻ yuzaga keltirildi.

Bu hammasi emas, 2025-yil yakuniga qadar “Kuyovboshi”da 48 ta turar-joy, 150 oʻrinli maktabgacha taʼlim tashkiloti hamda 28 oʻrinli viloyat ichki ishlar boshqarmasi mehmonxonasini bunyodga keltirish rejalashtirilgan.

Jizzax viloyati IIB Axborot xizmati