Ichki ishlar vazirligi Jamoat xavfsizligi departamenti Yoʻl harakati xavfsizligi xizmati boshligʻi polkovnik Sherzod Ibragimov boshchiligidagi ishchi guruh poytaxtimizdagi muammoli chorrahalarda oʻrganish ishlarini davom ettirmoqda.

Bugun ishchi guruh Chilonzor tumani, Bunyodkor shoh koʻchasida va Uchtepa tumani, KHAY-Hamroqul Tursunqulov koʻchalari kesishgan chorrahada tirbandliklarni oldini olish hamda harakat ishtirokchilari uchun qulayliklar yaratish, xavfsiz harakatni tashkil etish boʻyicha, shuningdek, piyodalar uchun qurilayotgan yer osti oʻtish joylaridagi ishlar bilan tanishdilar.

Masʼullarga aniqlangan va yuzaga kelishi mumkin boʻlgan kamchiliklarni bartaraf etish boʻyicha vazifalar berildi.

IIV Yoʻl harakati xavfsizligi xizmati Axborot xizmati