Ichki ishlar vaziri oʻrinbosari general-mayor Bekmurod Abdullayev talaba va yoshlarning mavjud muammolarini bartaraf etish maqsadida sayyor qabul oʻtkazdi
2024-10-21 09:00:00 / Yangiliklar
Joriy yilning 19-oktyabr kuni Oʻzbekiston Respublikasi Ichki ishlar vaziri oʻrinbosari general-mayor Bekmurod Abdullayev Toshkent shahar Olmazor tumanidagi talaba va yoshlarning mavjud muammolarini bartaraf etish maqsadida sayyor qabul oʻtkazdi.
Qabul davomida 100 dan ortiq yoshlarning turli masalalardagi murojaatlari koʻrib chiqildi va joyida ijobiy hal etilib, muddat talab etganlari esa tegishliligi boʻyicha masʼullarga biriktirildi hamda ijrosi alohida nazoratga olindi.
Shundan soʻng, IIV Ashula va raqs ansambli hamda taniqli sanʼatkorlari ijrosida kuy-qoʻshiqlar namoyish etildi.
Tantanali tadbirda oʻn mingga yaqin yoshlar ishtirok etib oʻtkazilgan konsert dasturi yoshlarda yodda qolarli taassurot qoldirdi.
IIV Jamoat xavfsizligi departamenti Axborot xizmati