Harbiy xizmatchilar oʻrtasida anʼanaviy tarzda oʻtkazib kelinayotgan “Dovyurak jangchi” intensiv sinovlarining bu yilgi bosqichi Qashqadaryo viloyatida joylashgan 7533-harbiy qismga qarashli “Qoʻngʻirtogʻ” dala oʻquv maydonida boʻlib oʻtdi.

Oʻzaro tajriba almashish va malaka oshirish hamda harbiy xizmatchilarning jismoniy va jangovar shayligini yanada oshirish maqsadida tashkil etilgan va oʻttizdan ortiq shartlarni oʻz ichiga olgan uch bosqichli bellashuvlarda har bir ishtirokchining shijoat, matonat va jangovar ruh bilan amalga oshirgan harakatlari hakamlar hayʼati tomonidan xolisona baholab borildi.

Eng yaxshi natijalarni qayd etgan 22 nafar harbiy xizmatchilar gʻoliblikni qoʻlga kiritib, ularga “Dovyurak jangchi” koʻkrak nishoni va diplomlar tantanali ravishda topshirildi.