IIV Probatsiya xizmati boshligʻi polkovnik Sharof Uralovning Buxoro viloyatidagi oʻrganishlari davom etmoqda
2024-09-13 11:35:00 / Yangiliklar
Xabaringiz bor, Oʻzbekiston Respublikasi IIV Jamoat xavfsizligi departamenti boshligʻi oʻrinbosari, Probatsiya xizmati boshligʻi polkovnik Sh. Uralov Buxoro viloyatida boʻlib, hududlarda kriminogen vaziyatni barqarorlashtirish, Probatsiya toʻgʻrisidagi Qonunga asosan nazorat ostidagi shaxslar bilan olib borilayotgan profilaktik tadbirlarning natijadorligi yuzasidan oʻrganishlar olib bormoqda.
Bugungi oʻrganishlar doirasida Shofirkon hamda Gʻijduvon tumani IIB JXX Probatsiya boʻlimlari faoliyati oʻrganildi.
Jarayonda maʼmuriy binolarda xodimlar va fuqarolar uchun yaratilgan shart-sharoitlar koʻzdan kechirilib, Probatsiya xizmati xodimlari tomonidan amalga oshirilayotgan ishlar birma-bir tahlil qilinib, kelgusida bajarilishi lozim boʻlgan keng koʻlamli chora-tadbirlar belgilab berildi.
IIV Jamoat xavfsizligi departamenti boshligʻi oʻrinbosari, Probatsiya xizmati boshligʻi polkovnik Sh. Uralov oʻrganishlari doirasida Respublikada namuna qilinayotgan Gʻijduvon tumanidagi Probatsiya boʻlimi yangi binosining qurilish jarayonini koʻzdan kechirib, qurilishni tez va sifatli, zamon talablari asosida foydalanishga topshirish yuzasidan oʻzining tegishli tavsiya va topshiriqlarini berdi.
Shuningdek, Gʻijduvon tumani IIB JXX Probatsiya boʻlimi hisobida turgan yoshlar bilan uchrashuv tashkil qilinib, Probatsiya toʻgʻrisidagi Qonunning mazmun va mohiyati tushuntirildi.
Uchrashuv davomida yoshlarning har bir murojaatlari birma-bir oʻrganildi va ijobiy hal qilindi.
Bu kabi oʻrganishlar davom etmoqda.
Buxoro viloyati IIB Axborot xizmati