Oʻzbekiston Respublikasi Ichki ishlar vaziri oʻrinbosari general-mayor Baxodir Mirzaraximov harbiy xizmatchilar bilan uchrashish va ularga yaratilgan sharoitlar bilan yaqindan tanishish maqsadida, Toshkent shahrida joylashgan Qorovul qoʻshinlariga qarashli 7534-sonli harbiy qismga tashrif buyurdi.

Tashrif harbiy qism saf maydonida Oʻzbekiston Respublikasi Davlat madhiyasini ijro etilishi bilan boshlanib, vazir oʻrinbosari harbiy xizmatchilar bilan uchrashish vaqtida dunyoda va qoʻshni davlatlarda yuzaga kelayotgan harbiy siyosiy vaziyatlardan toʻgʻri xulosa chiqargan holda sodir etilishi mumkin boʻlgan har qanday holatlarga ruhan va jismonan tayyor boʻlishlari, vatanparvar, sergak va ogoh boʻlib harbiy xizmatni olib borish zarurligini taʼkidlab oʻtdilar.

Shuningdek, Vazir oʻrinbosari harbiy qism qoʻmondonligi va mansabdor shaxslariga harbiy xizmatchilarni xizmat oʻtashi uchun yanada qulay sharoit yaratish, boʻlinmalarning jangovar tayyorgarligi va shayligini oshirish, harbiy intizomni mustahkamlash yuzasidan vazifalar belgilab berdilar.

Tadbir davomida xalqaro va respublika miqyosida oʻtkazilgan sport musobaqalarida gʻoliblikni qoʻlga kiritgan, navbatdagi harbiy unvon olgan harbiy xizmatchilarga diplom va esdalik sovgʻalar topshirdilar. Soʻng, uzoq yillar davomida vatan tinchligi va osoyishtaligi uchun xizmat qilgan harbiy xizmatchini nafaqaga kuzatildi.

IIV Transport va turizm obyektlarida xavfsizlikni taʼminlash departamenti