Toshkent shahar IIBBda “Eng yaxshi tergovchi” koʻrik-tanlovining saralash bosqichi boʻlib oʻtdi
2024-09-05 06:40:00 / Yangiliklar
Toshkent shahar IIBBda xizmat qilayotgan xodimlarning maʼnaviy-axloqiy saviyasini muntazam ravishda oshirib borish, ularning faoliyatini ragʻbatlantirish, oʻz kasbining fidoyilarini aniqlashga alohida eʼtibor qaratilmoqda.
Kuni kecha bosh boshqarmada “Eng yaxshi tergovchi” anʼanaviy koʻrik-tanlovining saralash bosqichi boʻlib oʻtdi. Unda IIBB huzuridagi Tergov boshqarmasi va uning hududiy boʻlimlarida xizmat qilayotgan tergovchi va surishtiruvchilar oʻzaro bellashdi.
Xodimlar jismoniy va maxsus tayyorgarlik, kasbiy bilim va mahorat yoʻnalishi boʻyicha sinovdan oʻtkazildi.
Yakuniy natijalarga koʻra birinchi oʻrin poytaxt IIBB huzuridagi Tergov boshqarmasi Tergov va surishtiruv faoliyatini tashkil etish boʻlimimi katta tergovchisi, mayor Sayfullo Fayziyevga berildi. Ikkinchi oʻrin Uchtepa tumani IIO FMB huzuridagi Tergov boʻlimi tergovchisi, katta leytenant Bekjon Kuzibayevga nasib etdi. Uchinchi oʻrinni Mirzo Ulugʻbek tumani IIO FMB Tergov boʻlimi katta tergovchisi, katta leytenant Sitora Raximova egalladi.
Gʻoliblarga esdalik sovgʻalari va tegishli diplomlar topshirildi. Mayor S. Fayziyev tanlovning respublika bosqichiga yoʻllanmani qoʻlga kiritdi.
Toshkent shahar IIBB Axborot xizmati