Ichki ishlar vazirligi Malaka oshirish instituti Olmaliq shahridagi bazasida Kasbiy tayyorgarlik fakultetida taʼlim olayotgan maxsus kasbiy tayyorgarlik oʻquv kurslari tinglovchilari oʻrtasida “Kodeks bilimdoni” mavzusida viktorina tashkil etildi.

Viktorinaning final bosqichida “Yoʻl-patrul faoliyati” yoʻnalishining “Patrul” jamoasi, “Pasport tizimini taʼminlash faoliyati” yoʻnalishining “Migratsiya” jamoasi, “Jamoat tartibini saqlash faoliyati” yoʻnalishining “Bilimdonlar” jamoasi, “Jazoni ijro etish faoliyati” yoʻnalishining “Yosh xodimlar” jamoasi va «Maxsus operatsiyalarni amalga oshirish faoliyati» yoʻnalishining “Antiterror” jamoalari oʻzaro bellashdilar.

Qizgʻin oʻtgan tadbirda 1-oʻrinni “Migratsiya” jamoasi, 2-oʻrinni “Yosh xodimlar” jamoasi, 3-oʻrinni “Bilimdonlar” jamoasi qoʻlga kiritdi.

IIV Malaka oshirish instituti Matbuot xizmati